2 koko seku
1 lider di suku
1 theelep di vanilla
1 theelep di esensia di rosa
2 cup di awa Foodcolor si ta desea un of otro kolor

Nos ta kibra e kokonan saka nan for di e kaska pa despues kita e kaska maron skur for di e koko. Ora ta kla ku esaki ta raspa e kokonan. Den un wea nos ta pone e suku den dos cup di awa na kandela i agrega e esensia di rosa, i e vanilla. Bira nan bon den otro i laga e suku kushina kohe punta. Na momento ku esaki ta e kaso ta basha e koko raspa den e suku , sigi drei i large bira un tiki diki. Ora e kokada kaba di kushina ta bahe for di kandela. Ku un kuchara ta saka e kokada na e tamaño desea i poné nan den un schaal. Si bo ta desea pa e kokada sali mas duru i grandi ta pone 2 liber di suku enbes di unu. Bo por larga e kokada keda blanku of ta pone foodcolor i dune color. Pa e kokada pretu NO ta kaska e kokonan i ta usa suku bruin enbes di suku blanku. Tip; Ora bo saka un tiki dje suku na kandela ku un kuchara i lage lek den un tiki awa , anto e tarda pa lek i na momento ku esaki sosode e no larga lihe den e awa e ora ey e suku a KOHE PUNTA.