Curacao1 saku di bonchi kora 1 liber di karnisá 1 liber di rabu 1 siboyo grandi 1 theelepel di nutmeg 1 kuchara di kome kune di manteka 3 djente grandi di konoflo Suku segun smaak
E dia prome ku kushina e Bonchi Kora ta pone e karnisá i rabu freska. Si ta desea ta pone e bonchi tambe muha. Ora ta bai kushina ta laba e karnisá i rabu un biaha (korda nan mester ta kortá na pida pida) i pone nan herebe. Den un otro wea ta pone e bonchi tambe herebe ku su konoflo. Ora e bonchi a herebe ta basha e awa afo. E ora ey ta pone e siboyo, e nutmeg, e karninan huntu ku e bonchi. Ta basha awa kajente mas o menos kuater dede riba e kontenido i laga e Bonchi sigi kushina. Ta check e bonchi konstantemente i ta basha mas awa, segun ku e seka. Ora e karni bira moli, ta pone e suku i manteka i lele e bonchi un tiki. Ora ta kla ta laga e bonchi un tiki asina mas na kandela pa e djis mara un poko. Asina nos Bonchi Kora ta kla. E Bonchi Kora aki ta baha bon ku sea funchi, aros i hasta ku pan. Segun e kustumber dialuna ta dia di kushina bonchi. Dikon ? Wel e ta trese kuminda henter siman den kas.
|