Ayaka
For English Version Click Here
Origin of Recipe :
Curacao
Ingredients :
  • 1 kana di maishi pelá ( maishi blanku)
  • 3 paki di yerba (humá) por usa aluminium foil tambe
  • 1 bòl di hilo
  • 1 galiña hinté
  • 1 liber di preimu
  • 1 boter di alkapara
  • 1 boter di aseituna
  • 2 promentòn
  • Pikalili
  • Pomente
  • pika
  • 3 kòpi di res
  • Un tiki ruku
  • Un tiki suku blanku
Preparation :
  1. Pone e maishi pelá muha di awe pa majan.
  2. Su sigiente dia nos ta herebé e maishi ku un tiki awa ku salu. Kaba nos ta mulé.
  3. E res nos ta dirti riba kandela p’e bira un likido i nos ta traha un tiki koló den dje ku ruku.
  4. Kaba nos ta bruh’é den e maishi mulá.
  5. Korda purbé pa bo mira ku e salu ta bon.
  6. Pone un sneif di suku tambe huntu.
  7. Nos ta meskla tur e kosnan aki bon den otro.
  8. Esaki ta e mansa dje ayaka.
  9. Pe ta mas dushi basha un tiki sous dje galiña di smor tambe aden, drei bon di drei.
  10. Si e mansa keda poko seku basha poko awa dje aseituna of dje alkapara aden.
  11. Soru p’e mansa no keda ni duru ni demasiado moli.
  12. E yerbanan nos ta limpia nan ku paña muhá,
  13. kaba nos ta hunta nan ku poko res, ma no pa nan keda muchu vet.
  14. Si bo ta usa aluminium foil anto tambe ta bon.
  15. Nos ta smor e galiña, kaba nos ta pel’é.
  16. Promé ku bai sinta, pone tur kos kla riba mesa.
  17. Korda pone e skér tambe i bòl di hilu.
  18. Pone e wea ku e galiña pelá.
  19. E kòmchi ku e mansa di ayaka
  20. 1 tayó di rasenchi
  21. 1 tayó di alkapara i un ku aseituna
  22. 1 tayó ku preimu
  23. 1 tayó ku promentòn di slais
  24. 1 ku siboyo di slais
  25. 1 tayó ku pikalili
  26. E jerbanan despues ku a hunta nan ku rès
  27. 1 kuchú limpi
  28. 1 kuchara
  29. 1 kuchara di wea
  30. 1 tayó ku poko zeta dushi
  31. Ta bon si tin mas hende pa judabo.
  32. Nos ta kohe un pida yerba, mas hanchu ku nos dos man poné huntu.
  33. Sòru semper pa e pida yerba di mas abou (saya) no ta chikitu.
  34. Ku un kuchara di wea nos ta saka poko mansa, i ku un kuchú nos ta habrié riba e yerba.
  35. Grandura di un man, e no mester ta diki.
  36. Sòru sí, pa di tur nan grandura ta mes diki.
  37. Un mansa diki, ta sali pisá. Bo ayaka ta sali muchu pisá. E no ta dushi.
  38. Ku un kuchara nos ta saka poko galiña pone ariba,
  39. kaba un 3 rasenchi,
  40. un aseituna,
  41. un preimu,
  42. 3 alkapara,
  43. 1 pida promenton,
  44. 1 slais di siboyo, of un siboyo chikitu rondó di bòter,
  45. un pida pikel.
  46. Awor nos ta kla, nos ta dobla e yerba manera un lensu promé un banda, despues otro banda, kaba e kantunan, pero doblé pa parti paden.
  47. Nos ta bolbe pasé den un otro pida yerba, nos ta maré manera un paki.
  48. Segun nos ta traha nos ta mara e ayakanan buta nan banda di otro.
  49. Nos ta laga nan para bunita mará asina pa un ora, laga nan sosegá.
  50. Kaba nos ta pone un wea grandi ku awa na kandela laga e awa herebé.
  51. Nos ta pone nos ayakanan aden laga nan herebe un ora.
  52. Nan ta kla. Nos ta warda nan den eiskast ora nan fria.
  53. Ora ku nos ta bai kome un par, nos ta pone awa herebe i keinta nan den dje.

Category :
Appetizer
Appetizer
Beef
Beef
Beverage
Beverage
Bread
Bread
Cake
Cake
Cookie
Cookie
Dessert
Dessert
Holiday
Holiday
Komedor Krioyo
Komedor Krioyo
Lamb
Lamb
Main Dish
Main Dish
Pasta
Pasta
Pie
Pie
Pork
Pork
Salad
Salad
Sauces
Sauces
Seafood
Seafood
Sidedish
Sidedish
Sonia Garmers
Sidedish
Special Diet
Special Diet
Surinam
Surinam
Sweets
Sweets
Vegetarian
Vegetarian
***