---------------------2 Bleki di Lechi Condens 1 Bleki Lechi awa(evapora) [husa e bleki bashi di Lechi condens] 2 paki slagroom 1 eetlepel di essentia di Vanilla 3 envelope di Gelatine sin sabor [Knox Original Gelatine unflavored] 3 paki Gelatine di kolo[Gelatine Royal kora,berde,geel en of oranje]
Traha gelatin di kolo for di un dia prome ku bo bai traha e Bolo di Glas. Korta esakinan na bloki bloki. E dia despues nos ta kontinua ku e Bolo di Glas.
Bati e slagroom pa mas of menos 5 minuut den un konchi. Despues ta agrega e lechi condens, lechi awa i vanilla. Mix esaki te pa mas of menos 5 minuut,no mas paso e slagroom ta kibra e ora ei i e meskla ta bira onbruikbaar. Despues nos ta keinta un tiki awa den un weja chikitu pa despues nos agrega e gelatine sin sabor. I laga e stoof abou abou. Durante ke e awa ta riba kandela nos ta agrega e gelatin sin sabor tiki tiki te ora e brua bon bon den e awa. E meskla ta bira un tiki geel asina. Lagele fria un tiki, no tur tur. Despues ta bashele den e meskla di slagroom etc. Mix esaki pa mas of menos 1 minuut. Ora esakinan ta bon meskla nos ta brua e gelatin di kolo na bloki bloki brua aden i bashe den un placha. E Bolo di Glas ta kla. Hinka e Bolo de Glas den frishidaire te su manise.
Eet Smakkelijk.
|