Resetanan Krioyo — Kuminda.com
Sopi di Yuana
Sòpi ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Sopi di Yuana, un resèpt di sopi ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
1 yauna
1 siboyo
1 promenton
1 tomati
1 taki di jerba di sopi
1 kuchara di kome kuné di konsomé
1 bouillon
1 envelop di sopi
2 batata
2 maishi kortá na dou dou
1 kopi aletria
1 theelepel di konofló na puiru
3 pa 5 lamoenchi
Preparashon
Pa kushina e sopi aki , ta soya e yuana. Pues ta mate kita e kabes afo i ta basha awa kajente riba dje i skame bon.Tambe ta korta e tenchinan i e konopinan parti paden di e pianan afo i saka su mondongo. Ta korta e punta di rabu tambe mientras ku e webunan ta usa pa pone den e sopi. Ora a kaba di limpia e yuana ta labe por lo menos dos pa tres biaha ku bon awa ku lamoenchi. Awor ta pone e yuana den wea huntu ku e siboyo, tomati, promenton, konofló, jerba, konsomé, bouillon i e paki sopi. Ta pone awa mas o menos kuater dede riba e kontenido i poné na kandela. Ora e karni bira moli ta pone e batata, maishi , aletria i e webunan laga nan kushiná. Ora nan tambe bira moli bo sopi yuana ta kla. E sopi aki pa mas miho ta komé bashi of ku pida pan. E ta un sopi hopi gusta i nan ta bisa ku e ta duna forsa.