Resetanan Krioyo — Kuminda.com
Pan di Koko ku Fruta
Pan ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Pan di Koko ku Fruta, un resèpt di pan ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
½ liber di suku blanku ½ liber di suku bruin 2 liber di ariña di pan 2 koko ½ liber di manteka 1 kuchara di esensia di vanilla 1 kuchara di esensia di koko 1 bleki di lechi awa chiki ½ kopi di rasenchi geel ½ kopi di rasenchi pretu 1 kopi di mixed fruit 1 kuchara di kané 1 kuchara di baking powder ½ telep di baking soda Salu na smaak 1 kup di awa
Preparashon
Na prome luga ta kaska e kokonan i raspanan fini fini. Ora ta kla ta brua e koko i e suku bruin i blanku huntu, e rasenchinan, e mixed fruit, i despues ta agrega e manteka, e esensia di koko, e vanilla, i e kané. Ta brua tur kos bon den otro, pa despues basha e lechi i awa tambe den e meskla i sigi brua nan bon den otro. Ora ta asina leu ta sefta e ariña di pan, i ta poné huntu ku e baking powder, baking soda i salu den e sobra meskla. Ora tur kos ta huntu ta brua nan bon. Preferibel ku un kuchara di palu. Ora tur kos ta bon brua den otro ta huntá e forma ku zeta dushi i ta stroi un tiki di ariña di pan den e forma. Awor ku un kuchara ta saka e meskla tiki tiki i poné nan den e forma. Ta hinka e forma ku e Pan di Koko ku Fruta den un fòrnu kajente. E fòrnu mester ta na 300 grado i e Pan di Koko mester keda mas o menos 1 ora i 15 minut den fòrnu. Ora nan ta kla ta saka for di fòrnu i laga nan fria bon. Despues ta hinka nan den bleki i nan ta keda bon pa basta dia. E Pan di koko aki ta baha bon ku un kopi thee.