Resetanan Krioyo — Kuminda.com
Sopi di Kabes di Piská
Sòpi ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Sopi di Kabes di Piská, un resèpt di sopi ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
1 liber di kabes di piska 1 siboyo 1 tomati 1 promentòn 1 wòrtel 2 batata 2 djente di konofló 1 lamunchi 1 kuchara di tomati pasta ½ kùp di aletria 1 ènvelòp di sòpi
Preparashon
Primeramente ta laba e piska bon ku awa i lamunchi. Ta pone mas o ménos 4 kùp di awa herebé den un wea pa despues pone e piska aden lag’é herebé. Dado momento e ta saka skuma i ku un kuchara ta sake skuma ( e ora ei nos ta bisa “skuma wea”) Awor nos ta kòrtá e spesereinan, laba nan i pone nan den e wea ku piska i ta agregá e tomati pasta. Tambe nos ta kaska i laba e batatanan i pone nan tambe den wea huntu ku e wòrtel i e ènvelòp di sòpi. Ta baha e kandela i laga e kontenido herebé un tiki. Ora e batata bira moli e sòpi ta kla. Dado kaso e falta awa ta pone un tiki awa mas. Por kome e Sòpi di Piska aki ku sea funchi òf pan.