Resetanan Krioyo — Kuminda.com
Pòrchòp den Sous di Anasa
Karni di porko ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Pòrchòp den Sous di Anasa, un resèpt di karni di porko ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
4 pida pòrchòp 1 òns di spèki na pida 1 bleki di pineapple crushed 1 bleki di pineapple chunks 1 siboyo, 1 promentòn 2 wòrtel, 1 lamunchi 1 paki di rasenchi chikitu 3 djente di konofló 1 kuchara di kome kuné di siboyo na puiru 1 kuchara di kome kuné di ketjap zoet 1 theelepel di binager destilá Algun klabu dushi Algun blachi di orégano
Preparashon
Primeramente nos ta laba e pòrchòp bon ku su salu i lamunchi i ora ta kla ta pone e konofló, siboyo na puiru, orégano, e klabunan i e djus di e pineapple chunks riba e pòrchòpnan. Ta brua esakinan bon den otro i ta laga e tempero aki para pa mas o ménos mei ora. Despues ta saka e pòrchòpnan i hasanan den masha nada di manteka i ta kòrta e spèkinan na pida pida i pone aserka. Na momento ku e pòrchòp i e spèki a kushiná bon, ta kòrta e wòrtelnan sea na largu òf rondó i ta pone nan tambe huntu ku e djus di e crushed pineapple den e wea. Ora ku e wòrtelnan bira poko moli ta agregá e siboyo, promentòn, rasenchi i e pineapple chunks i laga nan tambe kushiná huntu ku e pòrchòp un ratu. Awor ku tur kos ta bon kushiná ta agregá e theelepel di binager destilá, i si ta deseá e sous un tiki mas diki ta agregá un tiki tomati pasta. Por sirbi e plato aki ku su aros brùin òf blanku i algun berdura.