Resetanan Krioyo — Kuminda.com
Lenga di Baka ku Sous
Karni di baka ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Lenga di Baka ku Sous, un resèpt di karni di baka ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
1 lenga di baka Awa 1 telep di salu 1 bleki di sneibonchi, 3 wòrtel Sous; ½ kòpi di zeta dushi 1 siboyo 1 wòrtel ½ kuchara grandi di ariña di pan 1 telep di tomati pasta ½ glas di biña blanko 1 yerba di sòpi 2 kuchara di buyon Salu i pika (na smak) 1½ liber di batata Awa, manteka dushi 1 pitiseli kòrtá chikitu
Preparashon
Laba e lenga bon laba i poné herebé un ratu. Despues sak’é i rasp’é bon kita e kueru i bolbe poné herebé den otro awa ku salu huntu ku e berduranan. Ora e lenga ta moli ta kòrt’é na snechi i poné hasa den zeta kayente bira brùin. Laga e siboyo tambe hasa djis un tiki den e zeta kayente i despues pone tur kos den un wea.Ta kòrta e wòrtel tambe den e wea i ta pone aserka e ariña, tomati pasta , e biña, e buyon, e yerba di sòpi, salu, pika i tambe e berduranan ku a herebé huntu ku e lenga. Ta tapa e wea lag’é smor te ora e lenga ta bon kushí i e sous a seka un poko. Ta herebé e batatanan apart ku nan kaska, ora ta kla ta kaska nan i pasa nan den manteka laga nan djis hasa un tiki i stroi pitiseli kòrtá riba nan. Ora tur kos ta kla, ta pone e lenga na snechi, bunita asina banda di otro den un schaal, basha su sous riba dje i pone e batatanan rònt di dje i ta sirbié kayente.