Resetanan Krioyo — Kuminda.com
Pudin di Tuna
Kuminda di laman ·
Mandá pa:
Antillean Eats
Original source: Kuminda.com
Informashon
Deskubrí kon pa prepará Pudin di Tuna, un resèpt di kuminda di laman ku ta bini for di Curacao. E página aki ta inkluí e lista kompleto di ingrediente i e pasonan di preparashon, pa bo por trah'é na kas.
Ingredièntenan
3 bleki di tunafish 1 bleki di pitipua chikitu 1 bleki di wòrtel na dow 1 bleki di mixed vegetables chikitu 1 bleki di maishi cream style 1 bleki di léchi 2 webu Algun aseituna Algun alkapara 3 blòki di buyon Un pida sèldu Un pan fransés muhá den léchi 1 tomati 1 siboyo un pida pitisèli Salu, peper, netumuskaat, konofló, paprika na puiru tur segun smak.
Preparashon
Nos ta korta e spesereinan i hasa nan den zeta kayente ku poko pasta di tomati i e buyon bloknan. Ora nan kuminsa hasa, pone e manteka aden i laganan sigui hasa. Keda drei e sous. Ta primi e pan, skore e léchi afó, i bruh’é den e tunafish. Despues nos ta pone e krema di maishi den e tunafish i nos ta drei bon. Skore e awa dje pitipuá, wòrtel, i mixed vegetables afó, i ponenan tambe den e tuna. Bati e webunan, bon batí i huntá un plancha bon ku manteka. Awor ta basha e webu batí den e forma, i drei e plancha bai bini,di moda ku e webu ta kubri henter e bòm i e bandanan dje plancha. Warda poko dje webu batí. Pone e tuna den e plancha awor, i basha poko webu batí kubrié kuné. Stroi paneermeel riba dje i nos pudin di tunafish ta kla pa bai fòrnu. Pone e fòrnu na 250 – 275 grado i lag’é keda 40 minüt den fòrnu.