Resetanan Krioyo — Kuminda.com
Awakati Yená ku Salada di Kabaron
Informashon
Deskubrí kon pa prepará Awakati Yená ku Salada di Kabaron, un resèpt di entrada ku ta bini for di Curaçao, Neth. Antilles. E página aki ta inkluí e lista kompleto di ingrediente i e pasonan di preparashon, pa bo por trah'é na kas.Ingredièntenan
Mitar siboyo,Mayonès, lamunchi, kròpsla,
peper, salu tur na smak.
Mitar bleki chikí di maishi hinté,
blachi lourel, pikalili,
Mitar apel bèrdè, tomati pa dòrna.
2 awakati
Mei liber kabaron
2 batata
3 webu
2 pida sèlder merikano
Preparashon
Pone e kabaron herebé den nan kaska, den poko awa ku salu, un tiki peper i e blachinan di lourel.Despues ku e kabaronnan a herebé kompletamente ta saka
esakinan for di den nan kaska i ta kòrta nan den lomba, pa asina saka tur e sushi for di den e lomba. Despues ta kòrta e kabaronnan na pida pida di mas o menos 1 pa 1 sèntimeter i mei, pero no demasiado grandi.
Despues ku a pone e batatanan herebé den nan kaska, ta kaska esakinan i kòrta na
dou dou. Ora kaba kòrta nan ta meskla esakinan ku e kabaron i tambe e sèlder merikano ku mester kòrta mas chikí posibel, of tambe por hink’é den un food
processor.
Agregá tambe e apel na dou dou, siboyo, maishi, i demas spesereinan i tambe mas o menos tres kuchara di mayonès. Despues ku kaba meskla tur kos huntu i e
salada ta klá, ta pone esaki fria den frishidèl.
E buki di reseta aki “Barika yen Kurason Kontentu” di Ramon Yung ta obtenibel
na diferente libreria na Korsou..