Fish Ball/Balchi di Piska

Informashon

Un reseta simpel i dushi di bala di piská trahá di piská king, tuna òf kualke tipo di piská ku bo ta deseá. Disfrutá!

Ingredièntenan

• 2 pida stèk di piská (tuna, piská king òf piská deseá)
• 1 kuchara di garlic powder
• 5 pida snuif di garlic
• 1 siboyo grandi
• 1 pimenta bèrdè grandi
• 1 kuchara di sous di soya
• 1/4 kuchara di nutmeg
• 4 webu
• 1 liber di batata
• Zeta vegetal pa fria

Preparashon

1. Limpia e stèk di piská bon i herebé nan ku e stèknan di garlic
2. Kita tur e wesunan for di e steaknan di piská.
3. Herebé e batata
4. Pone e piská, siboyo i peper bèrdè i mula nan
5. Despues agregá e garlic powder, sous di soya, webunan i tur e restu di ingredientenan. (NO E ZETA).
6. Meskla nan tur huntu i forma e piská herebé mas o ménos grandura di un bala di gòlf
7. Yena e wea ku zeta mas o ménos 1 inch hundu i pone zeta riba kandela haltu.
8. Agregá dos pida garlic paden di e zeta
9. Ora zeta ta kayente, agregá e bala di piská den nan i drai e balanan te ora nan bira maron di oro tur rònt.
10. Bola di piská por wòrdu sirbi ku aros, tutu òf batata