Johnny Cake

Informashon

Johnny Cake ta un kuminda tradishonal i hopi stimá na Kòrsou. E pan fritá aki tin un parti pafó dorá i ligeramente kròkant, miéntras paden e ta suave i sabroso. Johnny Cake ta dushi pa kome ora e ta ainda kayente, sea asina so òf yená ku keshi, ham, karni, galiña òf otro yena ku bo ta gusta. E ta perfekt pa desayuno, un snack òf komo parti di un kuminda karibeño.

Ingredièntenan

• 2 Kòpi di hariña di tur propósito
• 4 kuchara di polvo di hornada
• 2 kuchara di salu
• 3 kuchara di suku
• 2 kuchara di manteka òf margarina smelt (Por usa Crisco Shortening)
• 1 kòpi di lechi
• Zeta pa fria

Preparashon

1. Den un bòl, meskla e hariña, lechi i salu huntu
2. Ku un kuchara di palu, meskla nan mas mihó ku bo por.
3. Awor agregá e suku i meskla nan huntu
4. Miéntras bo ta meskla e kontenido den e bòl, poko poko pone e lechi den e bòl i sigui meskla 
   Si bo tin un meskla ku un masa bo por usa esaki tambe, pero na velosidat abou.
5. Riba un mesa limpi, prepará e área dor di strooi un tiki hariña riba e mesa
6. Awor Masa e masa i agregá mas hariña si e masa ta muchu pegahoso. Tene kuidou pa no agregá muchu hariña ku lo resultá den baha e proporshon di e ingredientenan.
7. Ora e masa bira elástiko, krea 10 bala di masa di mesun tamaño, tapa nan ku un sèrbètè i laga nan sinta pa mas o ménos 10 minüt
8. Ku un rol, plat e bala ku un haltura di 1/3 pa 1/2 inch haltu
9. Laga nan sinta pa mas o ménos 30 minüt pa nan lanta.
10. Pone e zeta riba kandela haltu mediano den un bòter. Zeta mester ta sufisiente hundu pa e bolonan no mishi ku parti abou di e bòter ora ta fria.
11. Ora e bolonan di Johnny bira maron di oro, bo por flip nan
12. Ora tur dos banda ta maron di oro, saka nan i pone nan riba papel di kushina pa e por saka e zeta.
13. Awor nan ta kla pa kome. Bo por agregá keshi òf kualke otro tipo di karni di deli na dje. Disfrutá di