Balchi di Tuna

Informashon

Balchi di Tuna ta un plato simpel, sabroso i fásil pa prepará. E balchinan ta prepará ku tuna, batata, webu, pan i diferente speserij, despues ta forma nan i hasa nan den un tiki aseiti te ora nan ta bunita dorá pafó.

E receta aki ta un bon manera pa prepará tuna den un forma diferente i ta kombiná bon ku hopi di nos acompañamentunan tradishonal. Sirbi e balchinan kayente ku aros òf Tutu, banana hasá i berdura na banda pa un kuminda kompleto i sabroso.

Ingredièntenan

• 1 bleki grandi di tuna
• 2 webu
• 1 snechi di pan
• ½ liber di batata
• 1 siboyo
• 1 pimentón
• 1 tomati
• 2 djente di konofló
• 1 kucharita di nosmuska
• Aseiti pa hasa

Preparashon

• Kaska e batatanan i hirbi nan te ora nan ta suave. Ora nan ta kla, machika nan i laga nan fria.
• Habri e bleki di tuna i pone e tuna den un kom. Korta e siboyo, pimentón, tomati i konofló fini-fini i meskla nan ku e tuna.
• Pone e snechi di pan den e likido di e tuna i laga e pan muha un tiki.
• Agregá e batata machiká, e dos webunan, e pan muhá i nosmuska na e tuna. Meskla tur kos bon ku otro.
• Saka un tiki di e meskla kada biaha i forma balchinan rondó òf un tiki largu, manera bo ta preferá.
• Kayenta un tiki aseiti den un wea. Hasa e balchinan den e aseiti kayente te ora nan ta bunita dorá pa tur banda.
• Sirbi e Balchi di Tuna kayente ku aros òf Tutu, banana hasá i/o berdura na banda.