 Curacao ½ liber di karni stobá mulá 2 webu Speserei 8 pida spèki na slais 2 snechi di pan sin kaska, kòrtá na dou dou ¼ siboyo, ¼ promentòn, pida sèlder.
Pa kuminsá nos ta kòrta e siboyo, promentòn i e sèlder chikí chikí. Despues ta brua e ingredientenan aki huntu ku e karni i e spesereinan. Seguidamente ta pone e webunan aserka i despues e pannan. Despues ku nos a brua tur kos bon den otro ta parti e kantidat di karni na kuater. Ku kada kantidat di karni nos ta traha un forma manera un pan hot-dog. (pues un poko largu) Na momento ku kaba di forma nan ta lora nan den un slais di spèki, i despues e otro. Ora kaba di loranan den e spèki ta wanta nan ku tutpik. i despues ta hasa nan den zeta kayente. Por sirbi e Slavinken ku aros òf batata i algu di berdura òf banana hasa. Si ta deseá sous por trahe di e forma aki. Pone un poko siboyo, promentòn kòrtá fini den manteka na kandela huntu ku e speserei. Por pone tambe tomati fresku. Ora ku esakinan a hasa un poko por pone un tiki maisena disolvé den poko awa. Ora e sous bira diki nos ta bolbe pone poko awa. Finalmente ta agregá tomati pasta pa duna e sous un bunita kolo.
|
