Galiña den Sòs di Pindakaas

Informashon

Galina ku Manteka di Pinda ta un resepta sabroso i fasil ku kombiná pechu di galiña ku siboyo, konofló, promèntòn i un salsa kremoso di manteka di pinda. E salsa ta haya hopi sabor for di bouillon di galiña, ketjap i speseríanan. E ta un bon manera pa prepará galiña ku un sabor diferente, riku i yen di aroma.

Ingredièntenan

• 1 liber di pechu di galiña
• 2 siboyo grandi, kortá chikí
• 3 djente di konofló
• 1 promèntòn
• 2 blòki di bouillon di galiña
• 2 kòpi di awa kayente
• 1 kòpi di zeta dushi
• 4 kuchara grandi di manteka di pinda
• Peper na gusto
• Salu na gusto
• Maggi na gusto
• Ketjap na gusto

Preparashon

1. Hierbe e galiña den un tiki awa ku salu te ora e ta kla.
2. Saka e galiña for di e awa i kort'é na pida chikí.
3. Sasoná e galiña ku un tiki peper, salu, Maggi i ketjap, i laga e para un ratu.
4. Mientrastantu, hasa e siboyo huntu ku e konofló i promèntòn te ora nan kuminsá bira un tiki brùin.
5. Agregá e siboyo, konofló i promèntòn na e galiña sasoná, huntu ku e zeta i e blòkinan di bouillon.
6. Laga tur kos stobá na kandela abou pa mas o ménos 10 minüt.
7. Pone e manteka di pinda den 2 kòpi di awa kayente i drei bon te ora e bira un salsa manera krema.
8. Ora e manteka di pinda ta bon dirti, bash'é riba e galiña.
9. Drei tur kos huntu i laga kushiná pa 5 minüt.
10. Tapa e wea i laga e galiña sigui stobá pa 10 minüt mas.