Bakiou Stoba

Informashon

Bakiou Stobá ta un plato tradishonal i yen di sabor ku ta forma parti di kushina di Kòrsou. E ta prepará ku bakijou salu ku ta laga den awa pa kita e ekseso di salu, despues ta kushin'é ku siboyo, pèper bèrdè, tomati, selder i konofló.

E kombinashon di bakijou ku berdura fresku ta duna e stobá un sabor riku i sabroso. Bakijou Stobá ta kombiná perfektamente ku acompañamentunan tradishonal manera Tutu, funchi òf kalbas machiká, i ta un bon ehèmpel di e sabornan simpel pero riku di nos kushina Antiano.

Ingredièntenan

• 1 paki di bakiou salu
• 1 siboyo
• 2 pèper bèrdè
• 2 tomati
• 1 pida selder, kortá na pida chikí
• 2 djente di konofló
• 1 kuchara di manteka
• 2 kuchara di aseiti

Preparashon

1. Pone e bakijou salu den un kom ku sufisiente awa pa tap'é kompletamente. Laga e bakijou den awa durante henter anochi pa kita parti di e salu.
2. E siguiente dia, saka e bakijou for di awa, laba'é bon i kita tur skama si tin.
3. Pone e bakijou den un wea ku awa fresku i e konofló. Hirbi'é te ora e piská ta molí.
4. Drena e bakijou i laba'é un biaha mas ku awa fresku pa kita mas tantu salu ku ta posibel.
5. Korta e bakijou na pida mas chikí i laba'é un biaha mas ku awa.
6. Seka e pidanan di bakijou ku sèrbètè di papel. Kayenta e aseiti den un wea riba kandela mediano-haltu i hasa e bakijou ligeramente.
7. Den un otro wea, pone e manteka ku un kuchara di awa. Ora e manteka ta kayente, agregá e siboyo, pèper bèrdè, tomati i selder. Sofreí nan te ora nan kuminsá bira suave.
8. Agregá e bakijou na e wea ku e berduranan i meskla tur kos bon. Laga'é kushiná pa algun minüt. Agregá un tiki awa si ta nesesario i sigui kushiná te ora tur e ingredientenan ta bon kushiná i e sabornan ta mesklá bon.
9. Sirbi e Bakijou Stobá kayente ku kalbas machiká, Tutu òf funchi.