Tuna den Makaroni
Miránan: 15316
Mandá pa: Sonia Garmers
Fecha mandá: May 3, 2003, 8:59 am
Originally Submitted on Kuminda.com
Informashon
Tuna den Makaroni ta un plato sabroso i komplet ku kombiná makaroni, tuna, késhi, ham, pitipuá, maishi i diferente speseríanan. Despues di meskla tur e ingredientenan, e plato ta bai den fòrnu te ora e ta bon kushiná i e késhi riba ta bira dorá. E por sirbi su so òf kombiná ku berdura i batata hasá.
Anunsio
Ingredièntenan
- 3 bleki di tuna
- 1 paki grandi di makaroni èlebóg
- 4 webu
- 1 bleki di pitipuá
- 1 bleki di maishi na pipita
- 1 tomati grandi
- 1 siboyo grandi
- 1 promèntòn grandi
- 1 kòpi di késhi raspá
- 1½ ons di ham, no di slais
- 1 kuchará chikí di salu
- 1 kuchara di manteka
- 1 kuchará chikí di zeta dushi
- Un poko rasenshi
- Un poko preimu
- Aseituna yená
- Maggi na gusto
- Sòs di soya na gusto
- Kari na gusto
- Netmuskat na gusto
- Komino na gusto
- Picalilly na gusto
Anunsio
Preparashon
- Pone e makaroni den awa ku salu i laga e herebé te ora e ta kla.
- Ora e makaroni ta kla, skore e awa afó.
- Den un wea, pone e manteka, zeta i tur e speseríanan, i laga nan hasa un ratu.
- Ku un fòrki, machiká e tuna fini i agreg'é den e sòs.
- Korta e ham na pida chikí i agreg'é tambe pa hasa huntu ku e tuna.
- Basha parti di e késhi raspá den e makaroni i drei bon.
- Despues, agregá e tuna sasoná ku ham den e makaroni i meskla tur kos bon.
- Hunta un plancha di fòrnu ku manteka.
- Bati e webunan i basha un tiki di e webu batí den fondo di e plancha.
- Basha e meskla di makaroni den e plancha.
- Basha e resto di e késhi raspá riba e makaroni, procurando pa tapa e parti ariba bon ku késhi.
- Keinta e fòrnu na 350°F i laga e makaroni kushiná pa mas o ménos 40 minüt.
- Promé ku saka'é for di fòrnu, kontrolá ku un fòrki pa mira si e parti paden a kushiná bon.
- Sirbi Tuna den Makaroni su so òf ku berdura i/òf batata hasá.