 Curacao1 paki di zjelatina kòrá
1 paki di zjelatina bèrdè
1 paki di zjelatina orañe 1 paki di zjelatina geel
2 envelop di zjelatina sin sabor.
Pa e Zjelatina blanku:
2 bleki di lechi kondens grandi
1 kuchara di vanilla
2 bleki di cream of nestle di 295 gram
1 bleki di lechi awa grandi
3 envelop di zjelatina sin sabor
1 bleki di fruitcoctail grandi
Pa e bolo di glas aki nos ta traha e zjelatinanan di kolo prome. Ta traha kada kolo di zjelatina apart ku mitar envelop di zjelatina sin sabor. Ta basha nan den un kup di awa kajente i ½ cup di awa friu. Ora ta kla di drei nan bon ta basha kada kolo apart den un forma plat. Awor ta hinka nan den ijskast te su sigiente dia. Si ta desea por usa menos kolo tambe. Pa traha e zjelatina blanku ta muha e tres envelopnan di zjelatina sin sabor den un tiki awa friu. Despues nos ta pone ½ cup di awa kajente den e zjelatina i drei esaki hopi bon pa e disolve. Awor nos ta bati e cream of nestle pa e keda fini fini, pa despues agrega e zjelatina, lechi kondens, lechi awa, vanilla i e fruitcoctail. Ora tur kos ta huntu ta drei nan bon ku un kuchara di palu. Nos ta saka e zjelatinanan di kolo for di ijskast i korta nan dou dou, i ora ta kla ta basha e meskla riba e zjelatinanan kortá i brua nan den otro. Awor nos ta bashe den un forma tape ku un pida foil i hinke den ijskast, pero tambe por kumpra e kupnan chiki ku nan tapa i basha e meskla den nan. Nos ta tapa e cupnan i pone nan den ijskast. Si ta den un forma bo a basha e meskla su sigiente dia bo ta djis pasa un kuchu na e rant di e bolo di glas i pone den un schaal. E ora ey bo por dorne ku kualke fruta na smaak of lage simpel asina. E bolo di glas aki ta un dushi pasaboka i hendenan ta partie hopi na fiestanan manera boutismo i risibimentu. Disfruta di bo Bolo di Glas.
|
