Curacao2 kup di pinda 2 kup di bonchi di kunuku 2 kup di maishi grandi 2 kup di maishi chiki 2 kuchara di kome di kune di salu (mitar kuchara pa kada un) ½ kuchara di kome kune di siboyo na poeiru ½ kuchara di kome kune di konoflo na poeiru 1 koko seku
Nos ta kaska e pinda i e bonchinan . Labanan dos te tres biaha i pone nan herebe kada un apart den un wea ku awa i mitar kuchara di salu. E awa mester ta mas o menos kuater dede riba e bonchi i e pinda. Den e bonchi ta pone e konoflo i siboyo na poeiru tambe. Ta pone e maishinan tambe herebe apart ku mitar kuchara di salu kada unu. Por si akaso no tin e maishi di kunuku por usa e maishi di sea boter of bleki i no ta nesesario herebe nan. Ta laga e bonchi , pinda, i e maishinan herebe te ora esaki bira moli. Purbando un par di pipita di kada un di nan ta sa ku nan a bira sufisientemente moli. Asina nan bira moli nan ta kla. Check bon pa e bonchi no herebe bira demasiado moli. Ora nan ta kla ta basha e awa kajente afo i basha awa friu riba e bonchi, pinda i maishi i pone nan den un kolado pa nan skore tur e awa. E awa friu ta pa nan no pega . Despues ku nan a skore tur e awa ta brua nan bon den otro i e Mangusa ta kla. Pa loke ta e koko ta saka esaki for di su kaska i ta raspa e kaska maron skur un tiki. E ora ey ta sirbi e Mangusa ku un pida koko. E ta un plato fasil pa traha i por komé si bo ke komo maindish.
|