Kadushi

Kadushi
Kadushi
Prent e reseta Kompartí riba Facebook
Sòpi
Miránan: 14680
Mandá pa: Antillean Eats
Fecha mandá: May 3, 2003, 8:58 am
Kuminda.com
Antillean Eats Social

Informashon


Kadushi ta un sopi tradishonal di Kòrsou prepará ku e kadushi, un kaktus ku ta krese naturalmente den klima seku di nos isla. E sopi sabroso aki ta kombiná kadushi ku diferente tipo di karni, piská i marisko, kreando un plato yen di sabor i tradishon. Kadushi ta un di e kumindanan lokal ku ta reflehá herensia kulinario di Kòrsou, i tradishonalmente ta sirbi'é ku funchi geel òf blanku.


Anunsio

Ingredièntenan
  • 2 pida kadushi (mester kita nan entre 10'or i 11'or di mainta; di otro forma e kadushi por bira zuur ora di kushin'é).
  • 1 liber di rabu.
  • 1 liber di karnisá.
  • 1 liber di repchi salu.
  • 1 kopi di kabaron seku.
  • Piská, manera snoek, buladó òf gutú.
  • 1 kopi di karko.
  • 1 kopi di kiwa.
Anunsio


Preparashon


  1. Ora solo a subi, kita e kadushi. Kita e sumpiñanan i usa lomba di un kuchú pa frega e kaska bon.
  2. Ora e kadushi ta limpi, saka e lechi di dje i pon'é den un tayo.
  3. Awor bati e kadushi. Tradishonalmente ta usa un tati, ku ta un piedra spesial, pa bati e kadushi te ora e bira lebelebe.
  4. Pone e kadushi batí den un kopi ku un tiki awa. E awa ta yuda pa e kadushi no pega mientras bo ta hasi e otro preparashonnan.
  5. Manera kustumber, laga e karnisá, rabu i repchi salu freska for di un dia promé. Despues, laba nan bon.
  6. Pone e karnisá, rabu, repchi salu i kiwa den un wea ku awa i laga nan herebé un poko.
  7. Ora e karninan i kiwa a herebé, agregá e kadushi i laga tur kos kushiná.
  8. Kohe un tiki kadushi ku punta di un lele i laga esaki bula bèk den e wea. Ora skuma kuminsá subi, saka e skuma pa e sopi keda limpi. Despues, lélé un tiki.
  9. Entretantu, laga e kabaron seku freska den awa un ratu. Herebé e piská i kita tur e wesunan.
  10. Bati e karko pa hasié moli i despues kort'é na pida chikí.
  11. Agregá e karko, kabaron i piská na e wea huntu ku e karninan i kadushi.
  12. Brua tur kos bon i laga kushiná te ora e ingredientenan ta moli i e sabornan a kombiná bon.
  13. Sirbi bo Kadushi kayente ku un bon funchi geel òf funchi blanku.


Etikètanan


kadushi