Plantain Stew / Banana Stoba
Miránan: 17311
Mandá pa: Komedor Krioyo
Fecha mandá: December 24, 2016, 1:31 am
Informashon
Banana Stobá ta un stobá tradishonal di Kòrsou, prepará ku banana madurá, batata dushi, batata, karni di baka salu i rabo di porko. E kombinashon di banana i batata dushi ku e karni salu ta duna e stobá un balansa delicioso entre dushi i salu.
Kanela i ruku ta agregá un sabor i aroma spesial na e plato, mientras tur e ingredientenan ta kushiná huntu te ora nan ta suave i e sabornan ta meskla bon. Banana Stobá ta un kuminda sabroso i yen di tradishon, ku ta forma parti di e rikesa di kushina di Kòrsou.
Anunsio
Ingredièntenan
- 2 banana madurá, pero no muchu madurá. Nan mester ta hel ku algun mancha
- 2 batata dushi grandi
- 2 batata grandi
- 1 liber di karni di baka salu
- 1 liber di rabo di porko
- 1 pida palu di kanela
- 1 kuchara di annatto mulá (ruku)
- ½ siboyo
- 1 kuchara di kushiná di manteka
- 2 kuchara di suku
Anunsio
Preparashon
- Kòrta e pida karni mas chikitu i laga nan sinta anochi den awa pa deshasí di un tiki di e salu. Sòru pa tur e karni ta sumergí den awa Si bo ke bo por herebé nan pa 5 minüt en bes di kita salu..
- E siguiente mainta laba e rabo i e karni di baka bon.
- Pone e karninan, manteka den un wea ku awa. Sòru pa tin mas o ménos 2.5 pa 3 inch di awa riba e karninan den e awa.
- Pone e wea riba kandela mediano haltu i laga nan herebé te ora e karninan ta suave.
- Korta e plantain, e batata i e batata dushi
- Agrega tur e restu di ingredientenan den e wea. Ora tur ingrediente ta den e wea, e nivel di awa mester ta di e mesun haltura ku e kontenido den e wea
- Meskla tur e ingredientenan den e wea i lag’é kushiná pa un tiki pit mas
- Ora e plantain ta suave e stobá ta kla.
- Por sirbi ku funchi òf aros