Warmoes Stobá
Miránan: 13581
Mandá pa: Komedor Krioyo
Fecha mandá: May 3, 2003, 8:58 am
Informashon
Warmoes Stobá ta un kuminda tradishonal di Kòrsou, prepará ku warmoes, diferente tipo di karni, batata i speseríanan. E kombinashon di rabu, karni salu i karni di kabritu ta duna e stobá un sabor riku i profundo. Sirbi ku funchi hel òf blanku, òf ku aros, e ta un kuminda kompletamente yen di sabor antiano.
Anunsio
Ingredièntenan
- 2 paki di warmoes
- 1 liber di karni salu
- 1 liber di rabu
- 1 liber di karni di kabritu
- 1 kuchara di saka kuminda di manteka
- ½ siboyo
- 3 batata
- 1 kuchará chikí di konofló
- 1 kuchará chikí di nutmeg
- 1 kuchara di kome kuné di ruku
- 1 kuchara di kome kuné di pasta di tomati
Anunsio
Preparashon
- Un dia promé, pone e rabu i karni salu den un wea ku sufisiente awa pa tapa e karninan kompletamente. Laga nan den awa durante henter anochi.
- Ora ta kla pa kuminsá kushiná, laba e karninan bon dos te tres biaha.
- Limpia i laba e karni di kabritu bon.
- Pone e rabu, karni salu i karni di kabritu den un wea huntu ku manteka, siboyo, konofló, nutmeg i pasta di tomati.
- Agregá awa te mas o ménos kuater dede riba nivel di e karninan.
- Mientrastantu, laba e warmoes bon i tene nan den un komchi tapá.
- Ora e karninan a kushiná un tiki i ta kuminsá bira moli, agregá e warmoes, batata i ruku.
- Drei tur e ingredientenan bon i laga e stobá kushiná un poko mas. Despues di agregá e warmoes i batata, e awa mester ta mas o ménos pareu ku nivel di e karninan i sobra ingredientenan.
- Ora e batata ta moli, e Warmoes Stobá ta kla.
- Sirbi ku funchi hel òf blanku, òf ku aros.